10:06 Աշխարհի կորած ու վնասված հրաշալիքները՝ The Telegraph-ի ֆոտոշարքում | |
Բրիտանական The Telegraph պարբերականն ուշագրավ ֆոտոշարքի տեսքով ներկայացրել է աշխարհի հրաշալիքները, որոնք այժմ այլևս գոյություն չունեն կամ վնասված են։
Բամիանական բուդդաներ
2001թ. մարտին «Թալիբան» խմբավորման գործողությունների հետևանքով կործանվել է Աֆղանստանի Բամիանական հովտում գտնվող նույնանուն Բուդդայի 2 արձան, որոնք 6-րդ դարում փորագրվել էին անմիջապես ժայռերի մեջ։
Տիմբուկտու
Մալիի հյուսիսում գտնվող Տիմբուկտու հնագույն քաղաքում են գտնվում իսլամական ամենահին մզկիթներից մեկն ու մի քանի դամբարաններ, որոնք գրեթե ավերվել են 2012թ. իսլամիստ ապստամբների գործողությունների պատճառով։ Այժմ համալիրների մնացորդները ներառված են ՅՈՒՆԵՍԿՕ-ի համաշխարհային մշակութային ժառանգության ցանկում։
Հալեպի Մեծ մզկիթը Աշխարհի ամենահին ու կարևոր մզկիթներից մեկը զգալի տուժել է Սիրիայում ծավալվող պատերազմական գործողությունների հետևանքով։ Իսկ 2013թ. ապրիլին ավերվել է դրա մինարեթը, որը կառուցվել էր 11-րդ դարում։
Սուրբ Միքայելի տաճարը 14-րդ դարում Անգլիայում կառուցված տաճարը Երկրորդ աշխարհամարտի տարիներին ամբողջությամբ քանդվել է, և այժմ աշխարհին ներկայանում է սոսկ փլատակների տեսքով։
Չինգիս Խանի դամբարանը Չինգիս Խանի դամբարանի գտնվելու վայրը դարեր շարունակ իրական գլուխկոտրուկ է հնագետների համար։ Ըստ լեգենդի՝ 1227թ. մահանալուց հետո նրա դին տեղափոխվել է Մոնղոլիա։ Նշվում է, որ Խանի դին տեղափոխող շքախումբը սպանել է իր ճանապարհին պատահած բոլորին, որպեսզի նրանք չիմանան Չինգիս Խանի դամբարանի տեղը։ Նշվում է նաև, որ նրանք սպանել են այն բոլոր շինարարներին, ովքեր աշխատել են դամբարանի կառուցման վրա։
Եգիպտական փարավոնների գանձերը Փարավոնների հովտում գտնվող գրեթե բոլոր դամբարանները (բացառություն է միայն 1922թ. հայտնաբերված Թութանհամոնինը) թալանվել են, ու դրանցում պահվող գանձերը մեզ չեն հասել։
Մադրիդյան Ալկասարը
Մադրիդյան Ալկասարը երկար ժամանակ եղել է իսպանացի միապետների նստավայրը, սակայն 1734թ. այն ավերվել է հրդեհի պատճառով։ Ալկասարի ոչնչացումը համարվում է արվեստի ու ճարտարապետության մեծագույն կորուստներից մեկը, քանի որ դրանում պահվել է աշխարհահռչակ նկարիչների գործերից 500 աշխատանք։
Կորուսյալ Ատլանտիդան Ըստ Պլատոնի՝ Ատլանտիդան եղել է հզոր քաղաքակրթության օրրան ու գտնվել է Ատլանտյան օվկիանոսում։ Սակայն անհասկանալի պատճառներով՝ այն 1 օրում ջրի տակ է անցել։
| |
|
| |
| Մեկնաբանություններն ընդամենը՝: 0 | |